Dzisio kolejno łopowieść Hyjdli, mom nadzieja, że zaś radzi poczytocie.
Sklep ze szczympoma czy poradnio psychologiczno?
Takyj roztomaityj (takiej różnej) pomocy dużo ludzi u mie szukało, ale nigdy nie zapomnam jednego wydarzynio.
Jak spomniałach prowadziołach taki mały geszeft (interes) na wsi ze szczympoma (ubraniami) .
Dzisiej tyn handel już nie jest taki jaki boł piyrwyj (kiedyś, na początku) , bo w sklepach idzie wszystko kupić, to tyż kożdego klienta trza szanować.
Pamiyntom, że to boł piątek pod fajrant (koniec pracy) .
Już się szykowałach do zawiyraniu (zamknięciu) , kedy do sklepu wlazła ołma (babcia) z takym na łoko 16 lot wnukym.
No to trza boło ich fajnie łobsużyć (obsłużyć) . Synek (chłopak) boł cichy i taki jakiś wystraszony, ale za to ołmie jadaczka (gęba) sie nie zawiyrała. Padała co bych pokozała sztrikjakla z kneflami (robiony na drutach rozpinany sweter z guzikami) na tego synka.
Myślałach, że mają takygo chudego ołpy (dziadka) w doma beztoż (dlatego) wziyna (wzięła) modego na miara.
Pokozałach dwie sztrikjakle, a ołma (babcia) wybrała gynał (akurat) z takymi gwiozdkoma (gwiazdkami) jak łod gorali ze Zakopanego i pado (mówi): – ta jest piykno to ci kupiam (ta jest piękna i ją ci kupię), ale tak co byndziesz szanowoł i nie zmarasisz (ubrudzisz) .
Łoczy tego synka nie boły wystraszone, a przerażone.
Nie bydam kryć, bo w duchu to sie radowałach, że mi sie utarg na fajrant trefioł. No, ale jak jo widziała tego bladego synka spytałach grzecznie tyj baby, a dlo kogo wy to chcecie ta sztrikjakla (sweter robiony na drutach).
No to się ołma rozgodała w pierony, że ziynć (zięć) cołki geltag (wypłata) przesłepie (przepije) i łona musi pomołgać (pomagać) wnukom.
Padom nojspokojnij i nojdelikatnij jak poradzam, coby baby nie znerwować choć wy mnie już fest zawrało (bardzo się zagotowało w mnie) .
Wiycie, jo do takygo modego synka mom szykowne bluzy i są tońsze niż ta jakla (sweter rozpinany), ale ołma pado, że w tych kapucach (kapturach) to te chopcy jak rojbry (rozbójnicy) wyglondają.
Padom, ale to jest tako moda i nic nie poradzymy na to. No, ale jo godom swoje, a baba fandzoli (godo głupoty) swoje. W końcu padom spokojnie ołmie tak: widzam, że mocie bardzo dobre i szczyre serce, że tak dbocie ło te bajtle (dzieci) , ale nie łoblykejcie synka (ubierajcie chłopaka) w tako jakla jak na starego chopa.
To mody i bardzo gryfny (ładny) synek, chyba nie chcecie, co by na niego w szkole wytykali palcomi.
Łon już ciyrpi skiż łojca (cierpi z powodu ojca) to niech jest, aby łobleczony jak insi ( inni) .
Baba w końcu kozała mu przymierzyć bluza i zamiast tyj sztrikjakle wziyna mu łobie bluzy. Radość w łoczach tego synka boła wiyncyj warto niż te piniondze.
Godajom, że poniedziałek szewski, ale dlo mnie nie boł….
Nie bołoby czego spominać, ale w pyndziałek (poniedziałek) jak już zawiyrałach geszeft naroz tyn synek przilecioł. Pomyślałach, że ta staro heksa (czarownica) kozała synkowi łoddać te bluzy, a przeca to ciynżko tak wyciongac z taszki (torby) utarg.
No, ale synek pado (mówi) , że sie uwijoł ze szkoły co by zdonżyć, bo prziszoł mi bardzo podziynkować, że jo poradzioła ołmie tak przegodać, że jo mom wielki dar w sobie,bo tak rychtig (naprawdę) to łon się dziwi, że mie ołma wysuchała, bo to przeca łona jest zowdy (zawsze) nojmondrzejszo, a ołpa to już wcale niy mo nic do godanio (nie ma nic do powiedzenia).
Woli cołki dziyń gymzić (łazić bez celu) po placu niż suchać tego gupiego fandzolynio (gadania głupot; ględzenia) łod ołmy.
Bezmaś (podobno) nawet jak wyleźli ze sklepu ołma padała, że jo tako fajno rozmowno baba i poradzam dobrze doradzić.
Opedzioł (opowiedział),że jest ich cztyrech bajtli (czworo dzieci).
Łojciec jest dobry i nie robi larma (hałasu), ale durch słepie (ciągle pije) i zaś go wyciepli (wyrzucili) z roboty, bo łazioł łożarty (chodził pijany), a jak cosik (coś) zarobi na lewo (na fuchę) to przesłepie (przepije) i naprowdy są ołmie bardzo wdziynczni, że tak ich wspiyro, ale ołma jest sporno i nie do się przegodać (przekonać, przemówić do niej) .
Padoł jak to sie nieftore kamraty (koledzy) śmieją z niego, a jakby widzieli ta sztrikjakla z tymi gwiozdkami to by dopiyro sie chichrali (śmiali) .
Żol mi synka boło, ale podziwiałach ta jego łodwaga, że tak sie poradzioł przi mie łotworzić, a przeca mie wcale nie znoł, bo jo tych modych tyż nie znała.
Nie sprowodzałach wiela dlo takich modnych kwantow (ciuchów), bo młodzi do miasta jechali nakupić.
Na koniec winszowałach mu szczynścio, a synek mie zaskoczoł. Padoł, skoro mom w sobie taki piykny dar i poradziołach jego spornyj ołmie tak przegodać , to życzy mi co bych boła zdrowo i dycki (zawsze) pomogała takym bajtlom wystraszonym jak łon. Minoło już ponad dwadziejścia lołt, a jo tego synka mom durch przed łoczami.
