I dzisio kolejno łopowieść ło Hyjdli, mom nadzieja, że zaś radzi przeczytocie.
Sklep z obleczeniami
Tak mijały lata. Potym nastały insze czasy i zmuszono bołach wziąć sklep na priwatny. Sprzedowałach jakle (swetry rozpinane), klajdy (sukienki), bistynhaltry (biustonosze) , mycki (czapki), spodnioki (kalesony) i dużo inszych szczympow (ubrań) .
Baby mi pszoły (kochały), bo jo nie wciskała towaru ino dowałach kwanty ( ubrania) , co by kole swojygo żdżadła ( lustra) w doma spasowały.
Kontakt z klientoma
Dorodzałach kożdyj ołmie (babci) jak się mo łoblyc (ubrać) na fajer (imprezę) , ale wolałach jak w doma jakoś modo jeszcze te łoblecze (strój) łoszacowała (osądziła). Nie bydam kryć i choć to gańba pedzieć (wstyd powiedzieć) namowiałach tyż baby do cygaństwa (kłamstwa), ale to tak boło w dobryj wierze.
Jedna tak sie użolała, bo bardzo ji sie spodoboł klajd na biglu (sukienka na wieszaku) , ale pado, że chop cygarety kurzi (pali papierosy) , piwo tyż mu smakuje, a łona nosi durch stare szczympy (zużyte ubrania) po szwagrowce z Rajchu (Niemiec), bo piniyndzy nie zbywo (nie jest wystarczająco, brakuje) .
Chop ji padoł, że insze baby to ji mogom zowiścić takych klajdów (zazdrościć tych sukienek), ale tak rychtig (naprawdę) to te szczympy boły modne 40 lot do zadku (40 lat temu), ale co taki chop moge wiedzieć ło modzie.
Doradziołach babie, co by wsadzioła między te kwanty cośik nowego, a chop sie możno nie kapnie (nie zorientuje) .
Za pora dni uradowano (ucieszona) prziszła z konskym abgeriyrty (kawałkiem babki) podziynkować. Padała, że jak sie wystrojoła, chop sie łofukoł (obruszył) czamu to taki piykny klajd (piękną suknię) w szranku trzymie (szafie trzyma) i go nie łoblyko (ubiera).
Potym dycki (zawsze) tak robioła co by sie nie kapmnoł (zorientował ). Bołach rada jak mi baby dziynkowały, że piyknie wyglondają, ale tak richtig to jo by wiyncyj za dochtorka łod pocieszynio strapionych (smutnych, mających zmartwienie) zarobioła niż na tych kwantach.
Chodzioły do mnie sie zwiyrzać z roztomaitych łostudow (zgorszeń, trosk) stare z modymi, a mode ze starymi. Nieroz sama miałach komedyjo w doma, ale trza boło wysłuchać, kożdego pocieszyć i cośik doradzić.
