Moi Rostomili,

Jo Wom pożycza po mojymu, po ślonsku.

Na te Śwjynte Gody, życza Wom fest srogich darków łod Dzieciontka, coby Wom ni brakło karpfa, makówek i moczki,  kołocza ze posypkom i  inkszych maszketów przy kafyju.

I coby glaskugle na krisbaumie lśnioly blaskym zapociałym.

A przede wszystkim cobyście zowżdy, ale to zowżdy byli gryfni i zdrowi i coby boła chanć sie polachać i dychnonć.

Znany ślonski pisorz, Marek Szołtysek, kierego fest poważom, napisoł  tak:

„Winszujymy cobyście bez te Godnie Świynta i cołki Nowy Roczek byli wyzgerni jak nowonarodzony we betlyjce Ponbóczek!”

Jo by nie szafła lepiyj szrajbnonć.

Moi Rostomili, niech sie Wom darzy w Nowym Roku !

Waszo Johanka